कार्तिक १२ गते । कपिलवस्तु
कपिलवस्तुको चन्द्रौटामा दम्पति जोडिका लागि पारिश्रिमक बिनाको सेवामुलक कार्य सम्बन्धि २ दिवशिय तालिम सम्पन्न भएको छ । तालिमलाई सम्बोधन गर्दै श्रीमान श्रीमती एक रथका दुई पाङ्रगा भएकोले घरेलु कार्यमा श्रीमतिलाई सघाउनु पर्ने नगर प्रमुख अजय थापाले बताउनु भयो । घरमा गर्नुपर्ने भावनात्मक सहयोगको बेवास्ता गर्नाले महिलाहरू चिन्तित हुने, तनावमा बाच्नुपर्ने र अन्तमा आत्मा हत्या गर्न बाध्य हुने, जस्ता मनोसामाजिक समस्याहरू अन्तका लागि समेत घरेलु काममा सघाउनुपर्ने नगर प्रमुख थापाले जोड दिनुभयो ।

लैगिक हिंसा न्युनिकरण गर्ने , सेवामुलक कार्यमा पुरूषको सहभागिता बढाउने र बचेको समयलाई उत्पादनमुलक कार्यमा लगाउने उध्येश्य रहेको कार्यक्रम संयोजक अजय चौधरीले बताउनु भयो । कार्यक्रम संयोजक अजय चौधरीको अध्यक्षतामा संचालित कार्यक्रम सामाजिक परिचालक अमृता अमृता थारूको संचालनमा सम्पन्न भएको हो ।२ दिवशिय तालिम सिद्धार्थ सामाजिक विकास केन्द्रको आयोजना, एक्सन एड नेपालको आर्थिक सहयोग र शिवराज नगरपालिकाको मन्वयमा सम्पन्न भएको हो ।