कपिलवस्तु,
कपिलवस्तु नगरपालिकाका २ ओटा वडा कार्यलयले आफ्नो क्वारेनटाइनमा भएको खर्च विवरण सार्वजनिक गरेको छ । यसरी खर्च विवरण सार्वजनिक गर्नेमा कपिलवस्तु नगरपालिका वडा नं ८ वडा कार्यलय दोहनी र वडा नं ७ वडा कार्यलय धर्मपनिया रहेको छ ।
८ नं वडा कार्यलय ले लकडाउ अवधी भरी क्वारेनटाइनमा ७ लाख ५० हजार खर्च भएको वडा अध्यक्ष शिव कुमार पाण्डे ले बताएका छन । क्वारेनटाइनमा रहेका सवैलाई खाजा फलफुल पानी वस्नको लागी व्यवस्थापन गर्दा यि सवै मा खर्च भएको पाण्डे ले जानकारी दिएका छन ।
यस्तै गरी वडाको प्रत्येक टोल टोलमा गरी ८ हजार मास्क वितरण गरिएको र ४ ओटा क्वारेनटाइनमा २२१ जना लाई २५ देखी ३० दिन सम्म राखिएको थियो हाल सवै क्वारेनटाइन खाली रहेको पाण्डेले जानकारी गराएका छन । यस्तै गरी ७ नं वडा कार्यलयले पनि लकडाउन अवधि भरी आफ्नो क्वारेनटाइनको खर्च ४ लाख ७० हजार भएको वडा अध्यक्ष धर्मात्मा मणि त्रिपाठीले बताएका छन ।
४ ठाउमा बनाइएको क्वारेनटाइनमा १६० जना लाई २० देखी २५ दीन सम्म राखिएको त्रिपाठीले जानकारी गराएका छन । यिनीहरुलाई पनि खाजा नास्ता पानी तथा व्यवस्थापनमा यि रकम खर्च भएको जनाइएको छ । हाल यस वडाको सवै क्वारेनटाइन खाली रहेको त्रिपाठीले बताएका छन ।