नेपाली राष्ट्रिय क्रिकेट टोली वेस्ट इन्डिजसँगको ऐतिहासिक टी–२० अन्तर्राष्ट्रिय शृंखला खेल्नका लागि संयुक्त अरब इमिरेट्स (यूएई) प्रस्थान गरेको छ।

यूएईको शारजाह क्रिकेट स्टेडियममा असोज १० देखि १३ गते (सेप्टेम्बर २७ देखि ३०) सम्म तीन खेलको टी–२० अन्तर्राष्ट्रिय शृंखला हुनेछ।

शृंखलाका लागि नेपालले अघिल्लोपटकको टोलीमा तीन परिवर्तन गर्दै अन्तिम घोषणा गरेको छ भने वेस्ट इन्डिजले अधिकांश सिनियर खेलाडीलाई आराम दिँदै युवा खेलाडीलाई अवसर दिएको छ।

विशेषगरी आगामी टी–२० विश्वकप छनोटको रिजनल फाइनललाई मध्यनजर गर्दै यो शृंखलालाई अत्यन्तै अर्थपूर्ण मानिएको छ। छनोटअघि नेपालका लागि यो अन्तिम तयारी हुनेछ।

यो शृंखला नेपालका लागि ऐतिहासिक बन्न लागेको छ। पहिलो पटक नेपालले कुनै पूर्ण सदस्य राष्ट्रसँग द्विपक्षीय टी–२० अन्तर्राष्ट्रिय शृंखला खेल्न लागेको हो। साथै, यस शृंखलामा नेपाललाई अर्को इतिहास रच्ने अवसर पनि छ, किनभने अहिलेसम्म नेपालले आईसीसीको पूर्ण सदस्यलाई टी–२० अन्तर्राष्ट्रियमा पराजित गर्न सकेको छैन।

नेपाल टोली

• कप्तान: रोहितकुमार पौडेल
• उपकप्तान: दिपेन्द्रसिंह ऐरी
• कुशल भुर्तेल
• लोकेश बम
• कुशल मल्ल
• आसिफ शेख
• आदिल आलम
• आरिफ शेख
• सुन्दीप जोराः
• करण केसी
• नन्दन यादव
• सन्दीप लामिछाने
• ललित नारायण राजबंशी
• गुलशन झा
• सोमपाल कामी
• सहाब आलम

वेस्ट इन्डिज टोली

• कप्तान: अकील होसेन
• फेबियन एलन
• ज्वेल एन्ड्र्यु
• अकीम अगस्ट
• नविन बिडाइसे
• जेडिया ब्लेड्स
• केसी कार्टी
• करिमा गोरे
• जेसन होल्डर
• आमिर जाङ्गु
• काइल मेयर्स
• ओबेद मकोय
• जिसान मोटारा
• रामोन सिमोन्ड्स
• शमार स्प्रिङ्गर