शिवराज (कपिलवस्तु)।
भ्रष्टाचारविरुद्धको आन्दोलनमा सहादत प्राप्त युवाको सम्झनामा शिवराज नगरपालिकाले विशेष स्तम्भ निर्माण गर्ने भएको छ ।

नगरप्रमुख अजय थापाले सहादतलाई जीवन्त बनाउन स्तम्भमा जुत्ताको प्रतीक समेत राखिने जानकारी दिनुभयो ।नगरप्रमुख थापाका अनुसार स्तम्भ निर्माण कार्य नगरपालिकाको  प्राथमिकतामा परेको छ ।

उहाँले  भ्रष्टाचारविरुद्ध ज्यान गुमाउने GeN-Z सदस्यहरूको योगदानलाई नगरले सदैव सम्मान गरने समेत बताउनु भयो । स्तम्भमा जुत्ताको प्रतीक राखेर सहादतलाई भावी पुस्ताका लागि प्रेरणाको स्रोत बनाइने छ।

भ्रष्टाचारविरुद्धको आन्दोलनमा ज्यान गुमाउनुपरेका GeN-Z सदस्यहरूलाई श्रद्धाञ्जली अर्पण गर्दै नगरपालिकाले स्मारक निर्माणमार्फत उहाँहरूको बलिदानलाई चिरस्मरणीय बनाउन लागेको हो ।उक्त स्तम्भ मेयर कोषबाट निर्माण गरिने समेत नगरप्रमुख थापाले जानकारी दिनुभयो ।